मेट्रो रेल्वेची निकड

प्रत्येक दिवसागणिक नवी मुंबईतील लोकसंख्या अधिकाधिक वाढत आहे आणि त्याबरोबरच वाढत आहे दळण-वळण. नागरिकांच्या क्रयशक्तीत वाढ झाल्याने खाजगी वाहनांची संख्याही वेगाने वाढत आहे. ही संख्या आटोक्यात ठेवण्यासाठी रेल्वेची प्रचलित सार्वजनिक जलद वाहतूक यंत्रणेला सुयोग्य पर्याय म्हणून सक्षम मेट्रो रेल्वे हा एक सक्षम पर्याय तयार झाला आहे.

सिडकोने नवी मुंबईत मेट्रो रेल्वेचा विकास उन्नत मार्गिकेच्या रुपात करण्याचा निर्णय घेतला आहे. या प्रकल्पासाठी वापरण्यात येणारी जमीन खाजगी मालमत्तेचा भाग नसून ती सिडकोच्या अखत्यारीतील जमीन आहे. या प्रकल्पामुळे शहराची आर्थिक उलाढाल वाढेल सोबतच शहराकडे येणाऱ्या संभाव्य लोंढ्यांमुळे पारंपरिक वाहतुक व्यवस्थेवरचा दिवसेंदिवस वाढत जाणारा ताण कमी होईल. पनवेल/नेरूळ-सीवूड्स-उरण रेल्वे मार्गिका आणि मुंबई-नवी मुंबई जोडणारा पारबंदर मार्ग यांच्या विकासाने मुंबई-नवी मुंबई प्रवास अधिक सुकर होऊन नवी मुंबईला एक नवा चेहरा लाभेल.