कॉर्पोरेट पार्क

नवी मुंबईतील खारघर येथे अत्यंत मोक्याच्या ठिकाणी असलेल्या 140 हे. इतक्या विस्तीर्ण क्षेत्रावर सिडकोतर्फे कॉर्पोरेट पार्क प्रकल्प साकारण्यात येणार आहे. मुख्यत: वाणिज्यिक व अंशत:निवासी वापर असणारे आर्थिक केंद्र असे या प्रकल्पाचे वर्णन करता येईल. नवी मुंबईच्या वाणिज्यिक क्षमता मोठ्या प्रमाणावर वृद्धिंगत करणे, हा कॉर्पोरेट पार्कच्या निर्मितीमागील प्रमुख उद्देश आहे. या प्रकल्पामुळे नवी मुंबईमध्ये उद्योग केंद्र निर्माण होऊन घर ते कामाचे ठिकाण यांतील अंतर लक्षणीयरीत्या कमी होऊन नवी मुंबईकरांच्या दृष्टीने होम टू वर्क ही संकल्पनाही बऱ्याच अंशी साध्य करणे शक्य होणार आहे. कॉर्पोरेट आणि वित्तिय क्षेत्रांतील नामांकित कंपन्यांना या प्रकल्पामध्ये गुंतवणूक करण्याची सुवर्णसंधी आहे. यासाठी नियोजन व संकल्पन प्रस्ताव विचाराधीन आहे.

प्रस्तावित कॉर्पोरेट पार्क हे प्रस्तावि नवी मुंबई आंतरराष्ट्रीय विमानतळापासून नजीकच्या अंतरावर असणार असून पायाभूत सुविधा, नामांकित शैक्षणिक संस्थांची शाळा व महाविद्यालये, रुग्णालये, हॉटेल, सेंट्रल पार्क व खारघर व्हॅली गोल्फ कोर्ससारख्या सांस्कृति सुविधांनी हा परिसर परिपूर्ण आहे. अत्याधुनिक तंत्रज्ञानावर आधारित पायाभूत सुविधा असणाऱ्या कॉर्पोरेट पार्कमध्ये उच्च दर्जाचे जीवनमान व्यतित करण्याची अनुभूती मिळणार आहे.

कॉर्पोरेट पार्कसाठी प्रस्तावित असलेला भूखंड हा ग्रीनफिल्ड प्रकारातील व नियमित आकाराचा असून सद्यस्थितीत या भूखंडाकरिता कोणताही विशिष्ट प्रवेश मार्ग नाही.

कॉर्पोरेट पार्क प्रकल्पाचा आराखडा तयार करण्यासाठी द्विस्तरीय जागतिक संकल्पन स्पर्धा राबविण्यात आली. पहिल्या स्तरात बोलीदारांची यादी तयार करणे व दुसऱ्या स्तरावर सर्वोत्कृष्ट संकल्पन प्रस्ताव निवडण्यासाठी यादीमध्ये समाविष्ट असलेल्या बोलीदारांमध्ये संकल्पन स्पर्धा घेणे या प्रक्रिया समाविष्ट होत्या.

प्रमुख वैशिष्ट्ये : 

परिवहन जोडणी

• शीव-पनवेल महामार्गावरील वाहतूक कोंडीवर मात
• छत्रपती शिवाजी महाराज टर्मिनस आणि मुंबई विमानतळापासून अंदाजे 40 कि.मी. अंतरावर

प्रेरक (ग्रोथ ड्रायव्हर्स) 

• नवी मुंबई आंतरराष्ट्रीय विमानतळ (नमुंआंवि) व एनएमएसईएसएस

• प्रमुख एमआयडीसी क्षेत्रे 

परिवहन केंद्रीत विकास

• प्रकल्पाचे नियोजन आणि संकल्पन आंतरराष्ट्रीय मानकांनुसार

• मेट्रो मार्गामुळे सुलभ जोडणी व रस्ते वाहतुकीवर कमी ताण

पादचाऱ्यांसाठी सुविधा

• पादचाऱ्यांना चालण्यासाठी आकर्षक मोकळ्या जागा
• स्त्रिया, ज्येष्ठ नागरिक व दिव्यांग जनांच्या सुरक्षेकरिता विविध सुविधा 

आधुनिक व शाश्वत विकास

खारघर कॉर्पोरेट पार्क प्रकल्पाचे विभाजन सहा भिन्न क्षेत्रांमध्ये करण्यात आले असून प्रत्येक क्षेत्र हे विशिष्ट उद्देशाकरिता प्रस्तावित आहे.

• खारघर सिटी सेंटर 
• सेंट्रल पार्क इस्टेट 
• कॉर्पोरेट कॅम्पस , इनोव्हेशन हब

• बिझनेस हब  खारघर 

• लाइफस्टाइल इस्टेट