छत्तीसगढ राज्य शासनाने मार्च २००७मध्ये राज्याच्या १० शहरांचा विकास आराखडा तयार करण्यासाठी सिडकोची नेमणूक केली. यात बालोदा बाजार, खारासिया, भातपारा, सक्ती, सिपत, खैरागध, अहिरवाडा, कोंडगाव, नवपारा, आणि सारागढ यांचा समावेश होता. सिडकोने अंतिम वास्तुशास्त्रीय आराखडा तयार केला, कंत्राटदारांची नेमणूक केली आणि प्रकल्प अंमलबजावणीबाबत सल्ला दिला.

नवी मुंबईच्या मूळ परिक्षेत्रातील २५०० हेक्टर भूप्रदेश जो जवाहरलाल नेहरू पोर्ट ट्रस्टला देण्यात आला त्याचे अभियांत्रिकी नियोजन सिडकोवर जबाबदारी सोपवण्यात आली होती. सिडकोने विकास आराखडा तयार करून तो जे.एन.पी.टीला सादर केला आहे.

मेघालय भवनाची रचना ही आधूनिक वास्तुशास्त्र व मेघालय राज्याची प्रादेशिक वास्तुकला यांचा सुरेख संगम असून ह्या प्रकल्पासाठी सिडकोने वास्तुशास्त्रीय तसेच प्रकल्प सल्लागार म्हणून भूमिका पार पाडली आहे. वाशी रेल्वे स्थानकासमोर सेक्टर 30अ येथे भूखंड क्र. 25 वर सायन-पनवेल महामार्गाच्या जवळच मेघालय भवन उभारण्यात आले आहे.

तळ मजला अधिक चार मजले अशा मेघालय भवनमध्ये अती महत्त्वाच्या व्यक्ती व सामान्य व्यक्ती यांसाठी निरनिराळे विश्राम कक्ष व बैठकांकरिता दालन असून काही दुर्धर आजारावरील उपचारांसाठी महाराष्ट्रात येणा-या रुग्णांकरिता येथे निवास व्यवस्था पुरविण्यात आली आहे. महिला व पुरुष यांच्या करिता स्वतंत्र सामाईक विश्राम कक्ष येथे आहेत. या भवनात मेघालय राज्याशी ‍ संबंधित कलाप्रदर्शन दालन देखिल उभारण्यात आले आहे.

नवी मुंबईच्या वाशी नगरात वसलेल्या ईशान्येकडील राज्यांच्या भवनामध्ये आसाम भवनचे निराळे वैशिष्टय आहे. आसाम सरकारने येथे शासकिय अतिथिगृहाखेरीज आसाम राज्याचा सांस्कृतिक वारसा व कलावैशिष्टय दर्शविणारे कायमस्वरुपी दालन बांधले आहे. सिडकोने वाशीनगरात सायन-पनवेल महामार्गालगत महत्त्वपूर्ण ‍ठिकाणी सुमारे 3452 चौ.मी. क्षेत्रफळाचा भूखंड आसाम भवन उभारण्यासाठी दिला. आसाम भवनाच्या निर्मितीमध्ये वास्तुशास्त्रीय तसेच प्रकल्प सल्लागार म्हणून सिडकोची महत्त्वपूर्ण भूमिका आहे.

तळ मजला अधिक चार मजल्याचे बांधकाम असलेल्या या इमारतीत अतिमहत्त्वाच्या व्यक्तींसाठी प्रशस्त निवास व्यवस्था आहे. प्रशासकीय कामानिमित्त महाराष्ट्रात येणा-या शासकीय कर्मचारी, पर्यटक यांच्यासाठी अल्पकालीन निवास व्यवस्था येथे आहे. स्पर्धात्मक परीक्षा देण्यास येणा-या विद्यार्थ्यांसाठी निवास व्यवस्थेसह संदर्भ वाचनालयही येथे उपलब्ध आहे. आसाम राज्यातून उपचारासाठी येणा-या कर्करोगग्रस्त व्यक्तींना तात्पुरती निवास‍ सुविधा येथे पुरविण्यात येते. सदर भवनाच्या आवारात आधुनिक तंत्रज्ञानयुक्त तळ + दोन मजले अशी स्वतंत्र वाहनतळाची व्यवस्थाही करण्यात आली आहे.

नागालँड राज्य सरकारने त्यांच्या गेस्ट हाऊस तथा एम्पोरियमच्या आराखडा व नियोजनासाठी सल्लागार म्हणून सिडकोची नेमणूक केली होती. गेस्ट हाऊस ४००० चौरस मीटरच्या भूखंडावर उभारण्यात आले आहे.

सिडकोने इशान्येकडील आसाम, मेघालय, नागालँड, उत्तरांचल तसेच ‍दक्षिणेच्या केरळ राज्यांना महाराष्ट्र शासनाच्या निर्देशानुसार नवी मुंबईत भूखंड वितरीत केले आहेत. या राज्यांनी आपापली अतिथीगृहे तथा प्रदर्शने केंद्रे या भूखंडावर उभारली आहेत. तेथे इमारतींचे नियोजन, संरचना आणि बांधकाम सल्लागार म्हणून सिडकोची मुख्य भूमिका आहे.

ग्राम विकास भवन ग्रामीण विकास विभागामार्फत तळमजला, भोजन आणि प्रशिक्षण प्रदान करणार आहे. 3 लाखांपेक्षा अधिक प्रतिनिधींमुली मी राज्य ग्रामीण जनतेच्या कल्याणाच्या क्षेत्रात काम करित आहे जेणेकरून पंचायतीच्या राजव्यवस्थेचे उद्दिष्ट पूर्ण होईल. त्यांच्यासाठी क्षमता निर्माण प्रशिक्षण कार्यक्रम आयोजित केले जातील असे प्रस्तावित केले आहे.
ग्रामविकास (डीडी) आणि डब्ल्यूसी विभागांसाठी कन्सल्टंसी आधारावर ग्रामविकास भवन बांधण्याचा सिडको योजना आखत आहे. सिडकोला रु. राज्य आरडी आणि डब्ल्यूसी विभागांमधून 815.80 लाख (नोव्हेंबर 2010 पर्यंत) खारघर सेक्टर 21 मध्ये (प्लॉट 76-ए) प्रस्तावित रचना 4137.93 चौ.मी. क्षेत्रावर बांधली जाईल. ग्राउंड + 5 मजली आरसीसी फ्रेम रचना 500 व्यक्तींसाठी एक सभागृह, 100 लोकांसाठी कार्यशाळा हॉल, 120 व्यक्तींसाठी निवास सुविधा, दुकाने ठेवतील.
त्रिज्या डिझाईन सोल्यूशन्स आर्किटेक्ट / कन्सल्टंट्स आणि सुनील मुळिक व असोसिएट्स यांची स्ट्रक्चरल सल्लागार म्हणून नेमणूक करण्यात आली आहे. आयआयटी, पवई, मुंबई हे आरसीसी पुरावे सल्लागार आहेत. थर्ड पार्टी ऑडिटर्स (विमल सोल्युशन) एमव्ही पाटील, निवृत्त सचिव, पीडब्लूडी सरकार आतापर्यंत पूर्ण झालेली अशी कामे पूर्ण झालेली आहेत जिथे परिमितीवर 220 मीटर असलेली भिंत पूर्ण, चौथ्या मजल्यावरील कॉंक्रीट ब्लॉक चटई, चौथ्या मजल्यावरील वीट चौरस, दुकानांमध्ये पीओपी आणि शॉपिंगसाठी बाह्य प्लास्टर. कार्य प्रगतीपथावर आहे: विद्युत पुरवठ्यासाठी सब स्टेशन, तीन लिफ्ट, सभागृहसाठी स्ट्रक्चरल स्टील गर्डरचे बांधकाम आणि पेरीगोला स्तंभ, शौचालयांमध्ये काम करणे आणि फायर फाइटिंग कामांसाठी जीआय पाईप्स घालणे सुरु आहे.

खारघरमधील सुमारे ३६४४० चौ. मिटरचा भूखंड सिडकोने नॅशनल इन्स्टिट्यूट ऑफ फॅशन टेक्नॉलॉजीला (निफ्ट) कॅम्पससाठी दिला. निफ्टने त्याचा विकास करण्यासाठी सिडकोला सल्लागार म्हणून नियुक्त केले. एका इमारतीत शैक्षणिक इमारत, वसतिगृह इमारत, बहुउद्देशीय हॉल आणि कर्मचारी निवासस्थाने यांचा समावेश आहे.

तळघर आणि जी अधिक ५ मजली इमारतीच्या शैक्षणिक संकुलात स्वागतकक्ष, प्रवेश मार्गिका, अभ्यासवर्ग, संशोधन व विकास प्रयोगशाळा, प्रदर्शन क्षेत्र आणि बंदिस्त खेळ इत्यादीचा समावेश आहे. तसेच या कॅम्पसमध्ये तळ मजला अधिक ३ मजले असलेला बहुउद्देशीय हॉल, ७५० बैठक क्षमतेचे सभागृह, वेशभूषा दालने, विशेष अतिथिंसाठी दालन इत्यादी सुविधा पुरविण्यात आल्या आहेत.

तळ मजला अधिक २ मजल्याच्या आयआयएफसी ब्लॉकमध्ये स्वागत दालन, अल्पोपाहार गृह , फॅशन प्रदर्शन, करमणूक, बैठकीची खोली, चर्चासत्र दालन, सभाकक्ष, व्यवसाय केन्द्र, अतिथी दालन, संचालक क्वार्टर बांधण्यात आले आहेत. तळ मजला अधिक १० माळे असलेल्या वसतिगृह इमारतीत स्वागतकक्ष, ग्रंथालय, व्यायामशाळा, इनडोअर जिमखाना, वॉर्डेन क्वार्टर्स, कर्मचारी क्वार्टर्स आहेत.

मातृभूमिबद्द्लच्या प्रेमादाराचे मूर्तिमंत प्रतिक ठरावे अशी इमारत वंदेमातरम सभागृहाच्या रुपात साकारली जात आहे.  बांधकामाची संरचना राष्ट्रगीतातील ऐक्याचे भावना प्रकट करते. थोडक्यात सभागृहापासून ते सादरीकरण कला केंद्रापर्यंत हाच भाव प्रतिबिंबित करण्याचा प्रयत्न केला गेला आहे. प्रायोगिक रंगभूमी, कला प्रदर्शन यांच्यासाठी हे सभागृह एक आदर्श व्यासपीठ ठरेल. सृजनशील कलांच्या विकासाला त्याचा मोठा हातभार लाभेल.एकूण ६००० चौरस मीटरवर बांधलेल्या या इमारतीत १०५० आसन क्षमतेचे सभागृह, २०० आसन क्षमतेचे रंगभवन, अल्पोपाहारगृह, व्याख्यानासाठी स्वतंत्र दालन उपलब्ध असेल.

हज यात्रेकरूंसाठी निवास सुविधा उपलब्ध करणारी ही इमारत असेल. अंतर्गत संरचनेतच इस्लाम धर्माचा भाव प्रतिबिंबित करण्याचा प्रयत्न आहे. हज तीर्थक्षेत्रास जाण्यापूर्वी आध्यात्मिक पातळीवर मनन-चिंतन करणाऱ्या भाविकास सुयोग्य वातावरण येथे मिळेल. एकूण ६००० चौ.मी. क्षेत्रावर बांधलेल्या या इमारतीत  स्त्रिया आणि पुरुषांसाठी वेगळे प्रार्थनागृह, स्नानगृह आणि शौचालय सुविधा, भोजन व्यवस्था उपलब्ध असेल. उर्दू हाऊस, सभागृह आणि प्रशासकीय कार्यालय यांचा त्यात समावेश असेल.