नेरूळ-खारकोपर दरम्यान उपनगरी रेल्वे सेवेचा प्रारंभ

सिडकोतर्फे विकसित करण्यात येत असलेल्या नेरूळ/सीवूड्स-उरण या रेल्वे मार्गाचे दि. 11 नोव्हेंबर, 2018 रोजी मा. मुख्यमंत्री, महाराष्ट्र राज्य यांच्या शुभहस्ते उद्घाटन होऊन सदर मार्गावरील नेरूळ ते खारकोपर स्थानकांदरम्यान उपनगरीय रेल्वे सेवेस प्रारंभ झाला. एकूण 27 कि.मी. लांबी व  10 रेल्वे स्थानके असलेला हा मार्ग दोन टप्पांमध्ये विकसित करण्यात येणार आहे. पहिला टप्पा हा सिवूड्स-खारकोपर आणि बेलापूर-सागरसंगम असा 12 कि.मी. चा आहे.

पहिल्या टप्प्यातील प्रस्तावित 5 रेल्वे स्थानकांपैकी 2 स्थानकांचे काम पूर्ण झाले आहे. पहिल्या टप्प्यात पुढील रेल्वे स्थानके विकसित करण्यात येतील :

सीवूड्स, सागरसंगम, तरघर, बामणडोंगरी आणि खारकोपर. दुसऱ्या टप्प्यातील उर्वरित स्थानके विकसित करण्याचे कामही प्रगतीपथावर आहे. सदर रेल्वे मार्गामुळे नवी मुंबईच्या अति दक्षिणेकडील नोड् हे उर्वरित नवी मुंबई तसेच मुंबईला अधिक सुलभरित्या जोडले जाणार आहेत.