ग्राम विकास भवन

खारघर सेक्टर २१ (प्लॉट ७६-ए) येथे ग्रामविकास भवन पूर्ण करून ते ११ जुलै २०१७ रोजी ग्रामीण विकास आणि जल संवर्धन विभाग, राज्य शासन यांस सुपूर्द केले. सिडकोने सल्लागार तत्वावर याचे नियोजन व आरेखन केले आहे. पंचायत राज व्यवस्थेचे उद्दिष्ट साध्य करण्यासाठी ग्रामीण कल्याण योजना राबविणाऱ्या राज्यातील प्रतिनिधींसाठी ४१३७.३९ चौ.मी. क्षेत्रावर बांधण्यात आलेल्या या इमारतीत निवास, भोजन आणि प्रशिक्षण सुविधा येथे पुरविल्या जातील. कार्य-कौशल्य क्षमता विकास प्रशिक्षण कार्यक्रम येथे आयोजित केले जातील.

बांधकाम ढाचा सल्लागार म्हणून रेडिअस डिझाईन सोल्यूशन्स आर्किटेक्ट/कन्सल्टंट्स आणि सुनील मुतालिक व एसोसिएट्स यांची सिडकोची नेमणूक केली होती. आयआयटी, पवई, मुंबई हे आरसीसी सल्लागार होते. सार्वजनिक बांधकाम विभागाचे निवृत्त सचिव श्री. एम. व्ही. पाटील यांच्या अध्यक्षतेखाली त्रयस्थ लेखापरीक्षक म्हणून विमल सोल्युशन्स यांची नेमणूक करण्यात आली होती. तळ मजला अधिक ५ माजले असणाऱ्या इमारतीत ५०० व्यक्तींसाठी एक सभागृह, १०० लोकांसाठी कार्यशाळा हॉल, १२० व्यक्तींसाठी निवास सुविधा असेल.