आगरी-कोळी भवन

नवी मुंबई परिक्षेत्रातील मूळ रहिवासी म्हणजे म्हणजे आगरी-कोळी समाज. उत्स्फूर्त आणि चैतन्यशील संस्कृतिचा संपन्न वारसा लाभलेल्या या मूळ दर्यावर्दी समाजाच्या संस्कृतीची जपणूक आणि संवर्धन करण्याकरणे, समाजाला आदर्श ठरतील अशा उपक्रमांचे आयोजन करणे, त्यांच्यात  सांस्कृतिक-सामाजिक मनोमीलन घडविणे यासाठी आगरी-कोळी संस्कृती भवनाची निर्मिती करण्यात आली आहे. हे भवन नेरूळमधील सेक्टर २४ येथील भूखंड क्रमांक ९ वर पामबीच मार्गाच्या जवळ अगदी मोक्याच्या ठिकाणी वसले आहे. नवी मुंबईच्या केंद्रभागी असणारे नेरूळ हे अन्य नोडसशी बस, रेल्वे आणि वाहतुकीच्या अन्य माध्यमांनी जोडले आहे.