जनसंपर्क विभाग

जनसंपर्क कार्यालय हे सिडको महामंडळ आणि नागरिकांमधला दुवा म्हणून काम करते. यात व्यापक अर्थाने महामंडळ आणि उपभोक्ता तसेच महामंडळ आणि प्रसार माध्यमे यातील समन्वय याचा समावेश होतो

हा समन्व राखण्यासाठी वृत्तपत्रे, दूरचित्रवाणी, माहिती महाजाल, छायाचित्रे, संकेतस्थळ, प्रसिद्धीपत्रक, माहिती पुस्तक, लेख, वृत्त व तत्सम साधनांचा वापर विभागाने करणे अपेक्षित आहे.

विभागाकडून हेही अपेक्षित आहे कि गृहपत्रिका, प्रदर्शने, सांस्कृतिक कार्यक्रम आदि आधुनिक माध्यमांच्या वापराद्वारे नागरिकांना महामंडळाची माहिती पुरवावी तसेच नागरिक आणि महामंडळ यांच्यातील नाते दृढ करावे.

जनसंपर्क विभाग नागरिकाना महामंडळाच्या कार्यांची माहिती देतो, वृत्तपत्र कात्रणे व छायाचित्रे याचे जतन करतो, माहितीपट तयार करतो व त्याचे जतन करतो. माहिती पुस्तिका तयार करतो, प्रसार माध्यमांच्या भेटी तसेच प्रसारमाध्यमांसाठी अधिकाऱ्याच्या पत्र-परिषदा, मुलाखती यांचे आयोजन करतो.