सार्वजनिक आरोग्य विभाग

नागरी सुविधांसोबतच आरोग्यविषयक सेवा पुरविण्यासाठी सिडकोच्या सार्वजनिक आरोग्य विभागाची स्थापना १९७७ साली करण्यात आली. नवी मुंबई महानगरपालिका ही स्थानीय स्वराज्य संस्था स्थापन झाल्यानंतर सर्व सेवा टप्प्या-टप्प्याने हस्तांतरित करण्यात आल्या.

या विभागाचे कामकाज मुख्य आरोग्य अधिकारी यांच्या अखत्यारीत चालते. सार्वजनिक आरोग्य उपक्रम राबविणे यासह मुख्यत्वे नागरी सुविधांची देखभाल करणे या स्वरुपाची कार्ये विभागाद्वारे केली जातात. सध्या नवीन पनवेल, कळंबोली, खारघर, द्रोणागिरी आणि कामोठे या नोड्समधील आरोग्यविषयक सेवा प्रदान करण्याचे कार्य या विभागाद्वारे केले जाते.

एप्रिल २००३ मध्ये, आरोग्यविषयक, घनकचरा गोळा करणे आणि त्यांची विल्हेवाट लावणे या कामांकरिता घनकचरा व्यवस्थापन या नवीन विभागाचे निर्माण करण्यात आले.

मुख्य आरोग्य अधिकारी यांच्या अख्यारित येणारी कार्ये पुढीलप्रमाणे :

• मलेरिया आणि साथी आजारांचे नियंत्रण

• इस्पितळांसाठी भूखंडाचे वाटप करणे.

• कुत्र्यांचे निर्बीजीकरण करणे

• सिडको कर्मचा-यांच्या आरोग्य तपासणी आणि वैदद्यकीय बिलांची तपासणी करणे.

• आरोग्यविषयक यंत्रणा

• घंटागाडीच्या सहाय्याने घनकचरा एकत्रित करणे, वाहतूक करणे आणि विल्हेवाट लावणे.

• विकास परवानगीसाठी लागणा-या ताबा प्रमाणपत्रास सार्वजनिक आरोग्य ना-हरकत प्रमाणपत्र देणे.

• बेवारस प्राण्यांपासून होणा-या त्रासांवर नियंत्रण ठेवणे