वास्तुशास्त्र विभाग

वास्तुशास्त्रज्ञ विभाग:

शहरांच्या विकासाकरीता वास्तुशास्त्र विभागाचे कार्य मोलाचे आहे. या विभागाचे तीन उपविभाग आहेत.

1. उत्तर विभाग व रेल्वे प्रकल्प - उत्तर विभागात समाविष्ट असणारे नोड्स आहेत ऐरोली, घणसोली, रबाळे, तुर्भे, कोपरखैरणे, नेरूळ व बेलापूर  
2. दक्ष्रिण विभाग व पालघर - दक्ष्रिण विभागात उलवे, खारघ्र, कामोठे, कळंबोली, पनवेल आणि द्रोणागिरी  नोड्सचा समावेश होतो
3. नवीन शहरे व विमानतळ  - नाशिक, नांदेड, औरंगाबाद इ. नवीन शहरे या विभागाच्या अखत्यारीत येतात. विमानतळ प्रकल्पग्रस्तांसाठी विसासित होत असलेल्या पुष्पक नगरातील इमारतींचा यात समावेश होतो.
4. गृहनिर्माण आणि बांधकाम परवाना – अंतर्गत प्रकल्पात समावेश असलेल्या माजिक सुविधा इमारती तसेच सिडकोचे गृहनिर्माण प्रकल्प

विभागाची कार्ये पुढील प्रमाणे:
आर्थिकदृष्ट्या दुर्बल घटक,  अल्प, मध्यम व उच्च उत्पन्न गट इत्यादींसाठी निवासी संकुलांचे आरेखन करणे, सिडकोच्या कार्यक्षेत्रातील इस्पितळ, शाळा ,वसतीगृह, पोलीस स्थानक, बस स्थानक, बाजारपेठ, अग्निशमन केंद्र, समाजमंदिर सभागृह, जेष्ठ नागरिक विरंगुळा केंद्र्‍, सुलभ शौचालय इ. इत्यादि सामाजिक सुविधां इमारतींचे आराखडे तयार करणे; वास्तुशास्त्रज्ञ सल्लागार म्हणून विशेष प्रकल्प कार्यान्वित करणे; या प्रकल्पांत सिंधुदुर्ग आणि पालघर जिल्हा मुख्यालय, आसाम आणि मेघालय राज्याची अतिथीगृहे, औरंगाबादमधील वंदे मातरम सभागृह व  हज हाऊस, नवी मुंबईतील ग्रामविकास भवन, होमिओपॅथी संशोधन केंद्र, मराठी भाषा भवन, मराठी सदन यांचा समावेश आहे. 

कामाचे स्वरूप:
 शहर वसवताना लागणा-या विविध इमारतींचे आराखडे तयार करणे. त्यांच्या संरचनेकरीता अभियांत्रिकी विभागासोबत समन्वय साधणे आणि ते आराखडे अंतिम करणे. त्याचबरोबर खर्चाचे अंदाजपत्रक, निविदा, करारनामा, पणन यांसाठी आवश्यक असलेले आराखडे तयार करणे. तसेच इमारतीची अंतर्गत रचना, शहरातील मोकळया जागा/ बगीचे इत्यादिंसाठी आराखडे तयार करुन ते अंमलबजावणीसाठी पाठविणे.