लेखा आणि वित्त विभाग

लेखा आणि वित्त विभाग
मुख्य लेखा अधिकारी हे लेखा आणि वित्त विभागाचे प्रमुख असून त्यांचे प्रतीवेदक अधिकारी उपाध्यक्ष आणि व्यवस्थापकीय संचालक आहेत. या विभागाचे कार्य मुख्य लेखा अधिकारी, वरिष्ठ लेखा अधिकारी, लेखा अधिकारी आणि विविध स्वयं लेखा मंडळ    सहाय्यक लेखा अधिकारी यांच्या पर्यवेक्षणाखाली कार्यरत असतात. विभागाची कार्ये पुढील प्रमाणे:  

लेखा

• नियमांनुसार लेखा पुस्तके व्यवस्थित ठेवणे.

• जमा आणि खर्च यांवर परिणाम करणा-या व्यवहारांचे अंतर्गत परीक्षण करणे.

वित्त

• महामंडळाच्या वित्तीय विषयांमध्ये सल्ला पुरविणे.

• विविध विभागांचा सल्ला घेऊन अर्थसंकल्प तयार करणे आणि त्यावर नियंत्रण ठेवणे.

• महाराष्ट्र शासनाच्या प्रयोजनानुसार अतिरिक्त निधींची गुंतवणूक करणे.

• कर्ज सेवा पुरविणे

• वित्तीय व्यवहारांमध्ये अनियमितता होणार नाही यांवर लक्ष ठेवणे.

जमा व खर्च

• रक्कम जमा करणे आणि तिचा भरणा करणे.

• ठेकेदार आणि कामगारांना द्याव्या लागणा-या देयाकाचे वेळापत्रक तयार करणे व आवश्यक रक्कमेची व्यवस्था करणे

• देणेकऱ्याना वेळेत देणी देणे 

वित्तीय नियंत्रण
विविध विभागांचे अर्थसंकल्प, यानुसार कर्ज नियोजन, अल्प-मुदतीचा लाभ, गुंतवणूक आणि त्यातला मुदतपूर्ण निधी यानुसार महामंडळाचे अंदाजपत्रक तयार करून विभागाद्वारे महामंडळाच्या गंगाजळीवर वित्तीय नियंत्रण ठेवले जाते. वित्तीय आणि व्यवस्थापन सल्लागार म्हणून हा विभाग जमा व खर्चावर नियंत्रण ठेवतो; मान्य झालेल्या अर्थसंकल्पानुसार जमा-खर्च प्रस्तावास मान्यता देतो.

संचालक मंडळास माहिती पुरविणे

• प्रत्यक्ष जमा आणि खर्च यांची अर्थसंकल्पानुसार तुलना करून नियतकालीन निधी ओघ विवरणपत्र तयार करून संचालक मंडळास सादर करणे

• क्रियाशील विभागास लागणारा निधी, ऋण सेवा जबाबदारी, व्यवस्थापन आणि संस्थेतील खर्च लक्षात घेऊन अपेक्षित पणन आणि मालमत्ताद्वारे त्रैमासिक निधी ओघ विवरणपत्र तयार करून उपाध्यक्ष आणि व्यवस्थापकीय संचालक यांना सादर करणे.

गुंतवणूक व्यवस्थापन

• अल्पमुदतीचे खेळते भांडवल परिणामकारकरीत्या वापरणे

• विविध विभागावर वार्षिक लेखा पूर्ण करून महामंडळाच्या वार्षिक विवरण अहवाल निश्चित करणे

• महाराष्ट्र शासनातील नगर विकास विभाग, अन्य संस्था बँकर, कॅग कार्यालय आणि वैधानिक लेखापरीक्षक यांचाशी समन्वय राखणे  

• अंतर्गत लेखापरीक्षण कार्यात समन्वय राखणे