रेल्वे प्रकल्प विभाग

नवी मुंबईतील वाणिज्यिक, रहिवासी आणि औद्योगिक क्षेत्रांना सुलभरीत्या पोहोचण्याकरिता नवी मुंबई विकास आराखड्यामध्ये   प्रवासी रेल्वे वाहतुकीची योजना करण्यात आली आहे. नवी मुंबईतील लोकसंख्या आणि रोजगार यांचा विचार करता विद्द्युत रेल्वे दैनिक प्रवासी वाहतुकीसाठी अधिक किफायतशीर ठरेल असे नवी मुंबईतील परिवहन विषयक सर्वेक्षणांमध्ये आढळून आले त्यामुळेच सिडकोने नवी मुंबईत विविध रेल्वे मार्गिकांचा विकास एकत्रिक प्रवासी यंत्रणा म्हणून करण्याचा विचार केला आणि एकूण १६० कि. मीटरचे ६ स्थानिक रेल्वे मार्गांचे प्रवासी-सुलभ जाळे शहरात विकसित झाले.   

विस्तारित हार्बर मार्गावरील मानखुर्द-वाशी रेल्वे मार्गिका मे, १९९२ पर्यंत तयार केली गेली नंतर जून १९९३ साली हीच मार्गिका बेलापूर पर्यंत वाढवण्यात आली. बेलापूर-पनवेल रेल्वे मार्गिका १९९८ साली आणि ट्रान्स-हार्बर मार्गावर ठाणे-वाशी मार्गिका नोव्हेंबर २००४ साली जनतेसाठी खुली करण्यात आली.

सिडकोने हे रेल्वे मार्ग व स्थानके खर्च सहभाग तत्वावर विकसित केले आहेत. नेरूळ-बेलापूर-उरण रेल्वे मार्गीकेसह नवी मुंबईतील रेल्वे प्रकल्प विकसित करताना भारतीय रेल्वे, सिडको आणि राज्य शासन  यांनी अनुक्रमे ३३% आणि ६७% या प्रमाणात विकास खर्चात सहभाग दिला.

संस्थात्मक रचना

सुधारित न्यायाधिकार