सामान्य प्रशासन विभाग

कंपनी अधिनियम १९५६ नुसार, सिडकोची स्थापना झाली. कंपनीचे कामकाज शासन नियुक्त संचालक महामंडळाद्वारे राज्याच्या नगर विकास विभागाच्या अखत्यारीत चालते. त्यामुळेच नगर विकास विभागाशी वेळोवेळी कार्यक्षमरीत्या संपर्क राखणे हे या विभागाचे प्रमुख कार्य आहे. सामान्य प्रशासन विभाग शासनाच्या इतर विभागांसोबतही संपर्कात असतो. शासकीय अधिकाऱ्यांशी त्वरीत संपर्क साधता यावा यास्तव या विभागातील काही कर्मचारी वर्ग निर्मल ऑफिस येथे स्थित आहे.

शासकीय, निमशासकीय, मंत्री, आमदार, खासदार इत्यादींना पाठवण्यात येणा-या सर्व प्रकारच्या कागदपत्र आणि पत्रव्यवहार संबंधित विभागाचे विभागप्रमुख सहव्यवस्थापकीय संचालक किना व्यवस्थापकीय संचालक यांच्या कडून मान्यता प्राप्त करून महाव्यवस्थापक प्रशासन यांच्या स्वाक्षरीने पुढे पाठवली जातात. याव्यतिरिक्त, ठाणे शहराचे पालकमंत्री यांच्या सोबत होणा-या साप्ताहिक बैठक संबंधित कार्यांमध्ये समन्वय साधतात.

माहितीचा अधिकार, २००५, अधिनियम अंतर्गत अर्जांच्या स्वीकृती करिता सामान्य प्रशासन विभागामध्ये एक खिडकी योजना राबविण्यात आली आहे. माहितीचा अधिकार अधिनियम, २००५ च्या अंमलबजावणीसाठी सक्षम अधिकारी म्हणून उपाध्यक्ष आणि व्यवस्थापकीय संचालक यांनी सहाय्यक जनमाहिती अधिकारी, जनमाहिती माहिती अधिकारी आणि अपिलीय अधिकारी यांची नेमणूक केली आहे.